四圍走的足跡: 2012 澳洲自駕遊 - Day 4 (Sydney Tower, St Mary's Cathedral, Blue Mountains & Passello Restaurant)

日期：2012 年 6 月 19 日 (晴天)

今天終於開始自駕遊澳洲，而目的地是悉尼近郊的 Blue Mountains (藍山)。首先我們 9:00 要喺悉尼市中的 Hertz 分店取車，然後跟住 GPS 的指引駕駛 2 小時去藍山遊覽。食過早餐後便到 George Street 找巴士去 St Mary's Catherdal，然後再步行往 William Street 與 Rilley Street 交界的 Hertz 分店取車。點之巴士到站後，司機話要 pre-paid 先可以上車 (唔可以俾 cash)，還叫我們到附近的票務站買飛。但當時已經 8:30 了，根本没有多餘時間搵票務站，於是我地決定返回 China Town 搭 Mono Rail 到 Galleries Victoria 站落車再步行去 Hertz。

雖然由 Paddy's Markets 去 Galleries Victoria 只有 3 個站，但車費要成 A$5 好肉痛，早知 book 遲 d 攞車搭 555 免費巴士去 St Mary's Cathedral 好過，真係勞氣!

一出車站就覺得 Galleries Victoria 好似香港的中環，街上的澳洲人趕住番工，而我地就趕住攞車去玩!

行去 St Mary's Cathedral 途中仲可遠觀 Sydney Tower，順便影相留念到此一遊!

終於到左 St Mary's Cathedral，只可惜趕時間攞車不能入內參觀，唯有影相到此一遊吧!

跟住就見到澳洲歷史最悠久的博物館 - Australia Museum

沿住 Australia Museum 行多兩個街口就見到 Hertz 分店，都好易搵。

到達 Hertz 時已經差唔多 10:00，好彩當時店內無人攞車，我們便立即走到櫃枱辦理登記手續。辦理手續時記住要 request 買全保 (去旅行最緊要玩得 enjoy，買了全保就無後顧之憂) 同申請 e-pass (這個 e-pass 一定要申請，因為澳洲旳收費公路沒有人手收費，全都要在 3 日內網上繳費，申請了 Hertz 的 e-pass 便可直接由 credit card 自動過數，及後還會提供收費 statement，既方便又唔駛驚過期會被罰款)。最後我地用左 A$598 租了 6 日 Toyota Cramy Hybrid 連 GPS。

辦理完登記手續後，職員會給你一個外置的 GPS 連車插及教你如何使用 (OH!!! My God!!!! 點解唔似日本咁係內置的)，之後再給你車匙及取車的停車場位置 (OH!!! My God!!! 點解唔似日本咁有專人帶你攞車，仲要停車場不是在店舖隔離，要走到後面街約 100 米先見到)。到達停車場便按照職員俾嘅編號終於搵到一架銀色 Carmy。檢查車身、車軑及其他性能後，再 set 好 GPS 便開車，但惡夢現在才開始。首先 GPS 由停車場駛上地面後一直無反應，諗住駛過去問 Hertz 職員是否壞了要更換，點之佢突然間又有反應，足足行了 1 分鐘 GPS 先有反應，可想言之有幾快! 再者，GPS 喺悉尼市內經常俾錯指示，例如叫我地轉右，但明明路面不可右轉，咁唯有繼續直行，但佢有時又要花 15-20 秒先 recalculate 到條啱的路線，往往因為咁而又 miss 左，真係超級勞氣!!!!!!! (現在才發覺日本的 GPS 是十分先進而服務更是滿分的)

最終我地又行錯路去左悉尼大橋，白白浪費了 A$4 過橋費 ......

喺悉尼市中心玩左半個鐘頭，終於可以上公路去藍山，當時已經 11:00 喇，但又唔可以揸快 d 追番時間，因為澳洲的公路大部份限速 110 公里，如果超速影左快相或俾警察捉到會罰得好好好「金」，奉勸大家都係遵守交通規則。

一直都好擔心今天的天氣，因為藍山要在太陽的照射下才散發出藍色的煙霧，又係時候感謝主的眷顧。

大約 2 個鐘車程就到達藍山，之後就立即泊入 Scenic World 的免費停車場。

泊車時先發覺原來有後泊鏡頭，咁泊車就方便同安全得多啦!

一落車就後悔點解唔著多件衫，因為當時的溫度只得 8 度左右，而且山上又大風又凍，我們便飛奔去 Sceinc World 內避吓風先。遊客可在 Scenic World 透過 Skyway、Cableway、Railway 及 Walkway 四個途徑欣賞藍山及三姊妹岩的美景，故成為藍山最受歡迎的景點。

在 Sceinc World 正門前有三姊妹雕像，是遊客必影的景點之一。

還有她們父親的雕像，至於他們的傳說一陣間再講，現在首要食 lunch 先。

喺又凍又餓的情況下，梗係醫肚最緊要，我地選擇了 Skyway Restaurant 的 buffet lunch (A$35)。

Skyway Restaurant 是一間旋轉餐廳，餐廳可遠眺藍山及三姊妹岩，老公仔身後的便是三姊妹岩。

Buffet 的食物選擇唔多，而味道都是一般而已。

但最開心是有白飯同雞腿食，來了澳洲三日終於食到第一啖暖暖的白飯同雞腿 (而不是雞胸)，真係超級感動，老公仔仲食左三隻雞腿潻!

食飽飽後，首先走出餐廳欣賞吓藍山同三姊妹岩的美景。藍山之所以成為悉尼的旅遊景點係因為它的熱帶雨林盛產尤加利樹，當太陽照射在充滿油脂的尤加利樹葉時會反射出藍色的光線，繼而令這常被薄霧濃罩的唊谷散發出獨有的藍色煙霧，大家睇吓相就知有幾藍喇!

藍山另一個著名景點 - 三姊妹岩 (Three Sisters) 是有一個傳說的，相傳很久以前有三個美麗的姊妹被惡魔迫害，父親便用魔法把她們變成石頭逃避惡魔的追捕，只可惜後來父親遺失了魔法棒而無法將她們變回來，而父親亦化身為雀鳥在唊谷內盤旋尋找魔法棒。

相片左邊的三座岩石就係三姊妹岩

一場嚟到梗係要影番張相，之後就跑番入去買套票玩 Skyway、 Cableway、Railway 及 Walkway，因為真係非常凍呀!!!

如果想一次過體驗 4 種玩意可以買 A$28 套票，套票包括來回一次 Skyway 同各一次的 Cableway & Railway，因為睇過 Scenic World map，Railway、Walkway 同 Cableway 是連住一齊玩的，所以一次就夠。事不疑遲，即刻搭吓 Skyway 先。

Skyway 主要由總站出發橫跨深達 720 米的峽谷到對岸的車站

Skyway 車廂全是落地大玻璃，可盡情地欣賞峽谷的美景。

Skyway 上拍攝的藍山，感覺更藍更莊觀。

Skyway 可近距離觀賞三姊妹岩，比在 Scenic World 望到的更振撼。

在 Skyway 上還可看到另一藍山著名景點 - Katoomba Falls

大約 3 分鐘就由 Scenic World 到達對岸車站

如不想乘搭 Skyway 折返，可選乘對岸的巴士離開。

車站旁有條小徑可步行前往 Echo Point，唔知是否這條小徑呢?

小徑的左邊有個觀景台，但這裏看不到三姊妹岩。

坐番 Skyway 返回 Scenic Wold 後，便體驗另一刺激的 Railway 落山。這條 Railway 本身是運載工人由山上到山下的媒礦場工作，現已變為觀光用途。

這條 Railway 雖然速度唔快，但由於路軌依山而建，是世界斜度最高的纜車，當纜車衝落山時有如坐過山車般刺激。

話咁快就由山上來到山下媒礦場喇! 仲坐，快 d 起身開工啦!!!!

山下車站旁陳列著古時列車的模型，真係比現在的簡陋得多。

除左列車模型外，還有其他展品介紹當時的採媒炭情況。

之後就行 Walkway 同藍山的熱帶雨林來一個大接觸。

走到 Walkway 的盡頭便搭番 Cableway 返回山上的 Scenic World，而今次的藍山之旅就圓滿結束喇!

由藍山返回悉尼市中心的公路上有多個休息站，襯老公仔去廁所就影吓今次部伴我們的 Carmy Hybird，都幾型仔喎!

睇戲就見得多，今次親眼見到外國人揸車買麥記的情景! 連老公仔都不禁望吓!

回程時雖然只是五點，但已開始黃昏了。

兩個小時後又返回酒店，之後問酒店職員攞張 24 小時的泊車卡 (A$20) 泊入酒店旁邊的 Sydney Entertainment Centre，因為酒店沒有停車場。泊好車就行去 Town Hall 站附近的 Woolworths Supermarket (澳洲大型的連鎖超級市場) 買澳洲薯片同果乾做手信。

又買左兩大袋番香港做手信

之後就去 Darling Harbour 食 dinner，今次揀了在 Harbourside Shopping Centre 旁的 Passello Restaurant 食意大菜，我們選擇坐露天茶座，可以一邊欣賞 Darling Harbour 醉人夜景，一邊享受美味的食物。