沙田文化博物館 (彼思動畫 25 年展覽 + 粵劇文物館) & 龍華酒店

日期：2011 年 6 月 5 日 (陰天)

身為 Disney fans 嘅我，當然唔會錯過彼思 (PIXAR) 動畫 25 年展覽啦，未入博物館而被館外嘅三眼仔、胡迪同巴斯光年吸引住，要瘋狂影相至得。

『Toy Story』咁多玩具中，我最鐘意三眼仔，以家俾咁多三眼仔圍住真係超開心！

 
博物館門口仲有超巨型嘅胡迪同巴斯光年歡迎你！Welcome！

 
一入博物館便見到『怪獸公司』嘅毛毛同大眼仔向你揮手！Hello！

 當你搭扶手電梯去二樓展覽廳時，可觀賞到 『Toy Story 3』的特別樓梯設計圖，都幾得意。

 
在二樓的展覽廳外展示了一些彩色的動畫圖片，當然唔少得即將暑假上映嘅『反斗車王 2』啦，到時一定要買飛入場。

展廳內展示多部 PIXAR 製作電影如『Toy Story』、『反斗車王』、『海底奇兵』、『Wall E』、『沖天救兵』等嘅原稿、雕塑及動畫短片等，只可惜廳內不可拍照，唯有影吓廳外的原稿啦！

因為依個展覽令我提起興趣睇『沖天救兵』同『Wall E』，『Wall E』好睇好感人，但『沖天救兵』就略為悶左 d。

 
這是『海底奇兵』嘅原稿，大家見唔見到毛仔呢？

博物館除左彼思動畫 25 年展覽外，仲有其他不同主題嘅展覽，當中較為有興趣的是粵劇文物館。

 
粵劇已正式被列入《人類非物質文化遺產》喇，幾威！

 
這是粵劇電影『梁祝恨史』的道具之一。

離開博物館便去龍華食乳鴿，只可惜又一次失望而回。

 乳鴿皮唔夠脆，d 肉又唔夠嫩，仲要成 $68 一隻，真係貨不對辦！

山水豆腐花亦係龍華的另一招牌菜，雖然有豆味，但一 d 都唔滑，要我俾成 $48 蚊食咁嘅豆腐花不如去超市買好過。