被礜為人間天堂嘅馬爾代夫，擁有蔚藍的天空、清澈的海水、幼細的白沙以及豐富的海底資源，是人生必去的旅遊勝地之一，只可惜一個咁靚嘅人間天堂將會受到水位上升嘅威脅而被淹没陸沉。有見及此，我地今年決定豪一次，要親身感受吓何為人間天堂。
計劃馬爾代夫嘅旅程好簡單，只要揀好心儀嘅酒店就得，事關馬爾代夫由多個島嶼組成，而每個島嶼只得一間酒店，所以全部活動同飲食都會喺一間酒店搞掂曬，而且酒店還包埋接送服務，所以揀啱心儀嘅酒店係非常重要，而我地今次揀酒店有以下 3 項條件：
1. 要搭水上飛機 (如果酒店遠離馬里市，酒店會安排水上飛機接送，一來可以試搭水上飛機，二來所有費用全免，最緊要當然係從飛機上俯瞰馬爾代夫群島嘅美景。)
2. 要入住 Water Villa 水腳屋 (馬爾代夫水清沙幼，梗係要全天候 24 小時對住個海啦，所以今次決定要豪一次住水腳屋，鐘意落水就即刻除衫由間房跳出去暢泳，諗起都開心。)
3. 酒店有全包套餐 (由於馬爾代夫嘅消費好貴，加上要住水腳屋，如果唔揀間全包嘅酒店，成個旅程就會 over budget。加上老公仔話唔想喺 d 咁靚咁歎嘅環境下挨杯麵，所以一定要搵間包三餐，最好包理酒水嘅酒店啦，好似有 d 大想頭！)
經過千挑萬選下，我地終於搵到 Constance Moofushi Resort 附合以上三項條件，酒店 2010 年 11 月才營業 (起碼夠新，又唔駛驚水質因酒店營業太久而被污染)，座落於被譽為係世界上最好的潛水點之一的亞里南環礁 (South Ari Atoll) 。酒店設有全包套餐 (All-Inclusive Package)，除左包足三餐 buffet 外，還可免費借用浮潛工具、免費享用餐廳、酒吧以及房間 Mini Bar內的指定小食、飲品 (包括果汁、汽水、啤酒、紅酒、白酒、Cocktail 等等) 及零食、免貴參加一項指定嘅水上活動等等。而水腳屋方面，酒店有 Water Villa 同 Senior Water Villa 選擇，除左後者房間面積大 d 外，最大分別係有浴缸浸浴。此外，酒店遠離馬里市，需坐 25 分鐘水上飛機才能到達，但水上飛機不會在晚上營運，所以要喺馬里市住宿一晚。
咁多優惠心諗 package 一定會好貴啦，於是上網 check 吓旅行社資料。我地選擇 6 月尾出發，正正係馬爾代夫嘅雨季 (馬爾代夫由 5 月 - 10 月屬雨季)，所以大部分酒店都做緊買 2 晚送 1 晚優惠。由於去馬爾代夫機位好緊張，我地喺 4 月中已 book 左 $35XXX 嘅雙人 Senior Water Villa 6 日 4 夜 package (已包埋一晚馬里市 Central Hotel + 3 晚 Constance Moofushi Resort Senior Water Villa 住宿 + 2 x 馬航來回機票 + 旅遊保險 + 機場稅)，然後就懷住興奮心情等待旅程嘅來臨！
計劃馬爾代夫嘅旅程好簡單，只要揀好心儀嘅酒店就得，事關馬爾代夫由多個島嶼組成，而每個島嶼只得一間酒店，所以全部活動同飲食都會喺一間酒店搞掂曬，而且酒店還包埋接送服務，所以揀啱心儀嘅酒店係非常重要，而我地今次揀酒店有以下 3 項條件：
1. 要搭水上飛機 (如果酒店遠離馬里市，酒店會安排水上飛機接送，一來可以試搭水上飛機，二來所有費用全免，最緊要當然係從飛機上俯瞰馬爾代夫群島嘅美景。)
2. 要入住 Water Villa 水腳屋 (馬爾代夫水清沙幼，梗係要全天候 24 小時對住個海啦，所以今次決定要豪一次住水腳屋，鐘意落水就即刻除衫由間房跳出去暢泳，諗起都開心。)
3. 酒店有全包套餐 (由於馬爾代夫嘅消費好貴，加上要住水腳屋，如果唔揀間全包嘅酒店，成個旅程就會 over budget。加上老公仔話唔想喺 d 咁靚咁歎嘅環境下挨杯麵，所以一定要搵間包三餐，最好包理酒水嘅酒店啦，好似有 d 大想頭！)
經過千挑萬選下，我地終於搵到 Constance Moofushi Resort 附合以上三項條件，酒店 2010 年 11 月才營業 (起碼夠新，又唔駛驚水質因酒店營業太久而被污染)，座落於被譽為係世界上最好的潛水點之一的亞里南環礁 (South Ari Atoll) 。酒店設有全包套餐 (All-Inclusive Package)，除左包足三餐 buffet 外，還可免費借用浮潛工具、免費享用餐廳、酒吧以及房間 Mini Bar內的指定小食、飲品 (包括果汁、汽水、啤酒、紅酒、白酒、Cocktail 等等) 及零食、免貴參加一項指定嘅水上活動等等。而水腳屋方面，酒店有 Water Villa 同 Senior Water Villa 選擇，除左後者房間面積大 d 外，最大分別係有浴缸浸浴。此外，酒店遠離馬里市，需坐 25 分鐘水上飛機才能到達，但水上飛機不會在晚上營運，所以要喺馬里市住宿一晚。
咁多優惠心諗 package 一定會好貴啦，於是上網 check 吓旅行社資料。我地選擇 6 月尾出發，正正係馬爾代夫嘅雨季 (馬爾代夫由 5 月 - 10 月屬雨季)，所以大部分酒店都做緊買 2 晚送 1 晚優惠。由於去馬爾代夫機位好緊張，我地喺 4 月中已 book 左 $35XXX 嘅雙人 Senior Water Villa 6 日 4 夜 package (已包埋一晚馬里市 Central Hotel + 3 晚 Constance Moofushi Resort Senior Water Villa 住宿 + 2 x 馬航來回機票 + 旅遊保險 + 機場稅)，然後就懷住興奮心情等待旅程嘅來臨！
沒有留言:
張貼留言