日期：2010 年 8 月 6 日 (晴天)
離開大通公園，便搭地鐵到白之戀人工場。白之戀人朱古力是北海道必買的手信之一，所以參觀工場也成為遊客必去的景點。
如果你想擁有一個屬於自己的白之戀人禮盒，請在參觀工場前先登記及影相，因為製作時間需要個半小時。影完相後，我地就去參觀製作工場，每位入場遊客均可獲贈一本
Passport 及一包白之戀人朱古力作紀念。
我手持嗰包就係送贈的白之戀人朱古力，唔知大家見唔見到呢?
見到咁大包白之戀人朱古力，忍唔住即刻咬番一啖！
其實整個製作過程無咩特別，唔駛半個鐘已經參觀完畢！仲有一個鐘時間點打發好呢 ....
最終我們決定 High Tea 消磨時間，依度 D
蛋糕都幾好味！
接著再到充滿歐陸式彩的花園影相！
個半小時後，我們的白之戀人禮盒終於面世喇，係唔係好登對呢！
下一站就搭地鐵回薄野區內最悠久的商店街 - 狸小路，這裏有多間售賣手信及紀念品的店鋪，可讓你瘋狂購物一番！
於狸小路內隨處可見「狸」字的標誌。
這是必影的狸貓吹氣公仔，是狸小路的象徵！
本陣狸大明神社是為了紀念狸小路 100
周年而建的。
整條狸小路長達 1 公里，行完後覺得攰就番酒店休息，然後再搭環 88 巴士到 Sapporo Beer Garden
食出名的成吉思汗燒任飲任食放題。
這是餐廳的啤啤熊公仔，她很熱情及主動同我地影相。
又到老婆仔煮嘢食嘅時間！
話明成吉思汗燒，只係得羊肉同蔬菜任食，而羊肉就有 2
款選擇。
喺 Sapporo Beer Garden
梗係任飲啤酒啦！
我地一於唔執輸，老公仔總共飲左 5 大杯，而我就飲左 3 杯半！
飲飽食醉後就番酒店喇，我們住的酒店正正喺 JR
札幌站對面，而對出有一大廣場設有露天酒吧及食市。一到入夜就好熱鬧，三五知己聚首一堂暢飲一番。
這個「酒桶」盛酒器好特別，喺香港未見過，如果有機會一定要試吓！
沒有留言:
張貼留言