2010 年北海道自駕遊 - Day 6 - Part 1 (札幌啤酒博物館、時計台 & 大通公園)

日期：2010 年 8 月 6 日 (晴天)

今天於札幌市內觀光，我們在地下鐵站買了 One Day Pass 可任搭市內的地下鐵同巴士，每張為 1000 Yen。由於札幌市內交通每程最低消費為 200 Yen，如果你搭多過 5 次就買 One Day Pass 抵 D。今天第一站會先參觀札幌啤酒博物館，我們於西武百貨的巴士站搭環 88 就去到。

環 88 巴士是循環線，能到多個市內景點，如大通公園、時計台、二条市場、Sapporo Factory 及啤酒博物館等等，真的很方便。

啤酒博物館是環 88 的終點站，話咁快就到喇！睇旅遊書先知原來札幌是日本啤酒的始祖，當中 Sapporo Beer 更具舉足輕重的地位，這所博物館展示了日本啤酒歷史的里程碑。

博物館原用於開拓代的紅塼建築物，外觀古色古香，具有高度的歷史價值，旁邊還有一排酒桶襯托！

如果你懂日文，可否話俾我知 D 酒桶講咩呀? 

入去參觀前飲番杯先，哈哈哈！

我們有得飲啤酒就全靠依 D 啤酒花喇！

內有卡通模型介紹啤酒的釀製過程，上圖就係把啤酒花運送番工場。

釀成啤酒後，就放入酒桶進行發酵。

接者就要將啤酒入樽推出市面售賣。

終於完成喇，我地有啤酒飲喇，Yeah！

以前的啤酒樽 size，比現在的大得多呀！

行到攰，就試下新鮮 Brew 出嚟的啤酒，一 set 400 Yen 可試三款不同的啤酒！

歎啤酒之餘，還可欣賞歷代啤酒的宣傳海報！

我地今晚會再嚟食出名的成吉思汗燒，今晚見，Bye Bye！

離開啤酒博物館，下一站就到必遊的時計台。時計台建於 1878 年，前身是北海道大學，現成為札幌市的象徵。

離時計台不遠便到達大通公園，這裏是札幌市民及遊客的優閒勝地。公園內有十分出名的燒粟米，記住一定要試，因為 D 粟米又甜又大粒。

一定要試的燒粟米！

連 D 白鴿都爭住食，可想言知有幾甜呢！

你覺得札幌電視塔似東京鐵塔嗎?