大約兩點鐘我地就離開九魯河出發去 Jalan Sulaman 食椰子布丁。Jalan Sulaman 位於亞庇的北部，距離市中心大約要半小時車程。這兒本想昨天自駕上神山回程時去的，但因昨天回程時太大雨所以放棄了，如今 Ronald 話帶我地去實在太好了，又喺時候加分。
Jalan Sulaman 兩排的店舖都是買椰子布丁、燒椰子同燒蜆。
Ronald 介紹有兩間比較好食，其中一間是 Gerai Abang Amin。
而我們今次去的是 Gerai Sahabat
這個就是椰子布丁 (凍食 - RM$4)
打開蓋後就見到椰子布丁，望落去個樣好滑，似豆腐花 ......
點之食落去滑之餘有又 d 彈彈地嘅口感，而且又夠凍又好香椰子味，真係透心涼。
本了叫了一個兩份，最終叫多 round 變左每人一個。
這裡除了椰子布丁外，仲有兩大美食 ...... 燒椰子，即係將整個椰子攞去燒完後飲熱的椰子水。但因為天氣太熱，無試到。
還有燒蜆，這些蜆是由紅樹林掘出來的，但朋友驚唔衛生所以無試到。
食完透心涼的椰子布丁便出發去 Kilas Wetlandf River 睇長鼻候同螢火蟲。在車上，Ronald 講解了一些長鼻猴的資料，牠同其他猴子的最大分別是有一個有大又長的紅卜卜鼻子 (好似俾人打腫左咁)，而且肚腩好大同有一條長長的尾巴。牠們是群居生活，通常一隻公猴會有幾隻母猴跟隨，每個群組只有一個首領，如果猴 BB 長大後想做首領就要同爸爸打過，嬴左的話爸爸便要離開，而仔仔就會做首領，咁原本是媽媽的母猴就會變成老婆 (咁都得)。如果打輸左當然要離開，然後再搵其他猴群挑戰，都幾辛苦喎!
途經 Sabah Forestry Dept 交費用，順便可以影埋沙巴地形。
又影埋國旗
之後坐左好耐車 (我都唔記得幾耐) 就到了 Klias Westland 睇長鼻猴。
入去要行一條好長的走廊，走廊是用一條條木柱搭成，所以行起嚟要好小心，仲有好多昆蟲歡迎你!
Tour 包了 Malay Hi Tea，其實就係炸香蕉，不過咬落去好硬又無香蕉味，no good!
飲品有桔仔水
跟住就出發睇長鼻猴
長鼻猴通常聚居於婆羅州岸邊的紅樹林、沼澤或河畔的樹林。
我地就係要在這密密麻麻的樹林內尋找長鼻猴的踪影，真係睇到眼到花，不過通常都係船家發現!
終於搵到一隻母猴，不過距離好遠睇唔清楚。
繼續搵 ......
又搵到一隻，不過佢唔肯望鏡頭。
點解一定要黃昏先睇長鼻猴? 因為長鼻猴鍾意在黃昏時爬上樹上乘涼，加上如當潮漲留在樹林內會被鱷魚襲擊，所以牠們爬上樹既安全又舒服。
繼續走入沼澤內搵吓先 ......
又有發現，大家見唔見到呢? (在右上角)
又發現一隻母猴 ...... 原來公猴就係附近 ......
搵到公猴喇 ...... 只可惜佢一直望住牠的老婆，唔行望鏡頭，只能影到側面。不過都見到佢嗰長鼻子同大肚腩。
佢要走喇 ...... Bye Bye ......
之後又繼續搵 ......
都有收獲 ......
今次仲一次過影到兩隻 ......
仲影到其他猴子 ......
由於睇唔到長鼻猴的正面，唯有買番張明信片補數。
睇完長鼻猴就番去食 dinner，由於今次睇長鼻猴的地方是由中國人經營的，所以有老火湯飲。
食物方面都唔錯，味道 OK。
食過飯後便再出發睇螢火蟲。沙巴的螢火蟲會成群結隊地集中在多水份的樹上吸收露水，雌性的螢火蟲會有規律地閃著綠色的螢光尋找配偶繁殖，所以遠望真的好以一棵棵聖誕樹在閃吓閃吓，真係好靚。
由於螢火蟲發出的光十分微弱，所以影唔到咁靚的景象，大家自己幻想一下吧。
睇完螢火蟲後便離開到一下站食印度薄餅的地方 - Salim Restaurant (原來在家香生肉麵隔離再隔離)
叫了拉茶同桔仔冰，但我都係鍾意飲港式奶茶多 d。
由於 tour 包了薄餅宵夜，我們 6 人共有 6 份薄餅。Ronald 幫我們 order 了原味、香蕉味同蛋味薄餅。我覺得最好味係蛋薄餅，因為食落去有好香的蛋味，而香蕉薄餅都唔錯，食到香蕉粒好香。
而我地額外叫了燒雞脾 (RM$7)，但可惜燒到燶曬，又老又唔好食。
等左一陣，今次的薄餅主角出場喇 (我唔記得嗰名)，這個 cone 形狀的薄餅是要用手撕開一塊塊食，而且不用點咖哩汁，甜甜地又脆脆地，幾得意幾好食。
沒有留言:
張貼留言