四圍走的足跡: 2013 沙巴自由行 - Day 3 (Part 1

日期：2013 年 7 月 3 日 (晴天)

今天 join local tour 去九魯河玩激流 + Klias Wetland River Cruise 睇沙巴獨有的長鼻猴 & 螢火蟲 (RM$300/head)。由於早前已約左 Ronald 9:00 在 Novotel 大堂集合，所以現在落去食個早餐先。

酒店早餐都有好多選擇 - 有多款西式麵包同鬆餅......

有沙律同其他冷盤 ......

多款熱葷 ...... 更有專人煎蛋 ......

多款生果 ......

仲有昨天已試過的果汁 ......

食飽後到大堂已經見到 Ronald，於是便立即上旅遊巴出發。今次玩的九魯河激流屬 1 - 2 級 (即是適合小朋友及老人家程度)，由於我們 6 人都從未玩過激流，再加上玩 3 - 4 級的巴達斯河激流 Padas River 要早上 5:00 出發乘旅遊巴士到達火車站，再轉坐 3 - 5 小時火車才到 (車程實在太長了) ，所以最終選擇先玩九魯河激流，下次再考慮高啲 level 啦。

今次 tour 已包了酒店接送、玩激流的裝備、頭盔、救生衣、午餐及同行的激流教練。大約坐左 1.5 - 2 小時車程便到九魯河，帶備防水相機後準備玩激流 (隨身物品留在車上都好安全)。

當日陽光普照，感謝主的時候又到喇。

每人先取頭盔、救生衣同划艇用的槳

去玩激流最好著定一對防水鞋，因為激流有好多大大小小石頭，以防上落艇或跌落河時被石頭刺傷。

之後由 Ronald 向我們講解一些安全注意事項，由於玩激流都算是一項危險活動，所以大家都好留心聽。
我記得有以下幾點 (當然仲有其他，但我唔記左)
1. 教你正確的坐位及划艇方法
2. 當遇到石頭時，把槳舉高，以免弄傷自己。但不要撥向後以免打傷隊友。
3. 如果槳跌了落河，不要跳落河執，同行的教練會想辦法。
4. 如果跌落河不要勉強站立，而要 body rafting，意思是身體隨水漂流，等待救援。
5. 遇到任何沖擊，記住抓緊艇邊的蠅，就算跌落河都唔會漂得好遠。