日期：2008 年 11 月 30 日 (晴天)
中國五嶽有東嶽泰山、南嶽衡山、西嶽華山、北嶽恆山及中嶽嵩山，當中以西嶽華山最為險峻，而華山亦因金庸小說成為西安旅遊景點之一。我地今早六點鐘起身梳洗
，享受完酒店的自助早餐後，於七點半搭的士到西安火車站東廣場找遊
1 國營公交車直去華山。
公車站位於火車站的東面，很容易便找到。在車站旁會有人售買手套及地圖，原本無諗過買，但上車後見到好多人已買了手套，在人買我買嘅情況下
，用左 RMB 4 買了 2 對手套 (每對 RMB 1) 及
1 份地圖 (RMB 2)，順便可以喺搭車途中計劃行山路線。公車坐滿人後約於八點鐘開車，開車前跟車小姐會來收錢賣票，車費為 RMB 22。
大約兩個小時車程就到達終點站 - 東山門，下車後先買華山門票 RMB 100 (但明天已經開始淡季，票價還跌至 RMB 60
)，跟住再搭 RMB 10 小巴到索道下站買索道來回票 RMB
110 直上北峰。
終於到達華山喇，梗係要高歌一曲「問世間是否此山最高，或者另有高處比天高 ......」
如果想考驗下腳骨力同毅力，可從索道旁嘅「智取華山」開始行上北峰。
除左探令孤沖外，我地還約左東邪、西毒、南帝、北丐、中神通喺華山論劍爭天下第一，所以要搭索道慳番 d
功力論劍呀！
沿住索道上去，已經感受到華山的雄偉險峻呀！
一落覽車就會見到「智取華山」嘅終點，以家終於知道點解要買手套喇，因為華山有好多地方都需要用手抓住山道的鐵索，如果唔戴手套就好容易會刮損，大家要做足安全措施呀！
由於華山只有一條索道，所以由北峰開始就要靠自己一步一步行上去。我地今次嘅目標係要徵服東峰，順便拜訪吓華山派掌門岳不群，當然唔少得我最鍾意嘅令狐沖啦
，所以要好好把握 4
個鐘頭嘅時間完成任務。首先當然要從纜車站走上最矮嘅北峰頂啦，只需幾分鐘就到達喇！
做現代人真係好，話咁快就由山腳到達北峰頂喇，索道真係一項偉大嘅發明！
沿途可隨處欣賞到華山氣勢磅礡及雄偉壯闊的景象！
在北峰頂逗留數分數後便向擦耳崖方向繼續前進，一步一步走近東峰。
我覺得行華山最辛苦嘅係源源不絶嘅石級，真係行到上氣唔接下氣！
離開擦耳崖，繼續走向日月岩 ......
華山嘅石級好多都好斜，一定要手腳並用握實鐵索才可爬上去。
終於到達日月岩，喺時候休息影吓相 .....
日月岩是山道中的一座巨大岩石。
從日月岩影的華山，可見我地當時並不是處於很高的位置，要繼續努力！
離開日月岩後，開始進入御道 ......
相傳漢武帝及唐玄宗曾由此登山，所以這裏曾為帝王修平道路，故稱御道。
唔知係唔係心理作用，我都覺得御道的山路比較平坦好走。
從御道望上去可看到蒼龍嶺，但一見到那條又長又斜嘅石級又開始腳軟喇！
走過御道後，開始向難度挑戰，走進蒼龍嶺 ......
喂！老公仔唔好行咁快，等埋我呀！
蒼龍嶺嘅山道建在極斜的山脊上，加上左右兩邊都係斷崖，真係要打足十二分精神慢慢行！
從蒼龍嶺山道影的華山，已經開始有居高臨下嘅感覺，要繼續加油！
從蒼龍嶺回望北峰，原來已經走了很遠很遠，勁呀！
在不斷的自我鼓勵下，終於捱過蒼龍嶺，眼前的景色已忘了一切疲倦！
接著經過經軍岩後，金鎖關就在眼前。
臨到金鎖關前的鐵索已佈滿金鎖，金鎖上刻有姓名同祝福語以作祈福之用。
終於到達金鎖關喇！
嘩！好大個金鎖呀！一定要影相留念！
離開金鎖關，就有不同嘅山路通往中東南西四峰。
在金鎖關休息過後，要繼續起程向中峰 (又名玉女峰) 進發 ........
由金鎖關走向中峰的山路不是太難行，話咁快就到喇！
眼前已經係玉女峰，但點解唔見左華山派呢？明明《笑傲江湖》話華山派位於玉女峰喎，唔通搬左？
在玉女峰終於見到有積雪喇，我諗遲 d
整座山舖滿雪時一定好靚！
登上中峰即代表我地喺海拔 2042.5 米，在藍天白雲下俯瞰群山，突然很想大叫 ......
「I AM THE KING OF THE WORLD」
YEAH！YEAH！YEAH！
唔知上面係唔係東峰頂呢? 時不而遲，立即出發，但係
......
我對腳係依個時候開始唔聽話 (好似已經扭親)，所以無奈地放棄前往東峰，唯有喺雲梯影相留念啦，真係有 d 可惜！
離開中峰已經大約 2 點多，終於體會到咩叫上山難落山易，我地差唔多用左 3 個鐘頭由北峰行上中峰，但落山時只用了 1
個小時多便回到北峰。跟住當然要去遊客必到嘅華山論劍碑影相留念啦。
眾所周知金庸有幾部武俠小說與華山有關，而「華山論劍」是因《射雕英雄傳》中東邪、西毒、南帝、北丐、中神通在華山比武爭奪九陰真經而得名。
點解唔見東邪、西毒、南帝、北丐、中神通喺到比武嘅？咁就等我地比吓武啦！
喺時候要同華山講 Bye Bye 啦 ，坐番纜車落山時更令人心寒！
原來這條索道叫做華山三特索道，現已運作了 12 年，這石碑是為了紀念 10
周年而建成的。
由華山索道站返回公車站已約 4 點，我地個肚已經餓到鼓鼓聲，所以到車站旁的餐館享受一餐農家菜。
未入店內已被門口招牌上的第一個唔知叫咩麵吸引住！
原來這個麵叫做 "Bell Bell" 麵
(這個字是西安自創的)，是一種很寬的粉麵。
大家睇真 d 個字點寫，真係好多筆劃架！
醫飽肚後返回公車站上車時，剛好影到華山日落！
回到西安市區，便搭的士番酒店休息一回，順便叫酒店職員幫手打電話 book local tour 於明天遊覽西安西線的景點。接著再於 8
點鐘搭的士去鐘鼓樓廣場的德發長食西安餃子宴。
德發長開業於 1936 年，是吃西安餃子宴的老店。
餐館有多款餃子宴任君選擇，當然價格也不同啦！我們今次揀了中等價格的餃子宴，當中包括普通的豬肉、羊肉及雞肉餃子，也有特色的南瓜餃子、麻辣豬肉餃等等，一時間多到都唔記得仲食過
d 咩餃喇，總之都幾好食啦！
食完餃子宴後，再搭的士到西安城牆附近的 Park Qin 酒吧啤啤佢，這間酒吧是旅遊書介紹的，點解咁特別，睇相就知架喇！
這是一間以「秦」為主題的酒店。
最特別之處是酒吧內有一個個油上不同顏色的秦俑陪你飲酒，充滿著西安文化的色彩！
在酒吧逗留到 11 點後就搭的士番酒店訓覺喇，因為明天 local tour 會 8
點鐘嚟酒店接我地去遊西安西線嘅景點，各位早抖喇！
沒有留言:
張貼留言