澳門佛山美食之旅 2010 (Day 3 - 佛山篇)

日期：2010 年 11 月 14 日 (晴天)

由於今天酒店無包早餐，我地決定瞓遲 d，約於 11 點鐘先 check out 及寄存行李，然後搭 137 號公車去佛山石灣欣賞著名的陶瓷工藝品。大約半個鐘頭車程就到達石灣，第一站就參觀南風古灶，它是一個由明代使用至今的古，已有五百多年歷史，現已成為全國重點文物保謢單位之一。

這個高灶建成後火不斷，至今因生產不少精美陶瓷而聞名海外，勁呀！

剛巧碰見工作人員為陶瓷上色的情景。

在佛山經常見到李小龍的陶瓷雕塑，可見佛山人重視李小龍的程度！

在南風古灶裏還可遊覽石灣陶瓷博物館，等我地都去參觀吓先，Let's Go！

在館外有多個陶瓷壁畫：

在館內除可了解石灣陶瓷歷史外，還陳列不少陶瓷工藝品供遊客欣賞：

左邊的是泰始皇，而右邊的是唐太宗，你覺得邊個威武 d 呢?

依個唔駛講都知係關公啦！

仲以為係中國四大美人，原來係「春夏秋冬」！

一出博物館就係公仔街，街上有多間陶瓷店鋪，唔買都值得行吓。走到公仔街盡頭就係石灣公園，在公園內千萬不可錯過由上萬個馬桶砌成的「馬桶瀑布」。

公園內「陶女」的雕塑！

後來睇番報導先知馬桶不是新的，大多是來自工廠的廢品，當中也有熱心人士捐贈！

原本諗住行完石灣公園，就到出名的陶都酒家食 lunch 同買魚腐及魚皮角做手信，好可惜我地去到時先知酒家早於去年結業，而附近的食肆又唔啱心水，唯有搭番公車回酒店。但沿途見到有幾間酒家便落車搵野食，最終我地揀左飲茶試吓佛山 d 點心。除左點心外，還叫了一碟清炒水蛇同燒味拼盤。

原來水蛇都好清甜，好好食！

反而燒味拼盤就麻麻地，有 d 失望！

終於輪到點心出場喇，首先係菊花卷，味道不是太甜，幾好食！

跟住係脹瀑蝦餃，真係無誇張，每一隻蝦餃都好大舊好多蝦，食得好滿足！

除左蝦餃，連燒賣都係脹瀑架，既睇得又食得，得左！

食飽後就搭公車去參觀廣東四大園林之一「佛山梁園」，梁園建於清朝嘉慶與道光年間，原是清朝大官梁靄如的府第，現已有一百七十多年的歷史，等我地一齊去見識吓梁園嘅三寶「石奇、水秀、名帖」啦！

貴為廣東四大園林之一，當然也被列入文物保護單位啦！

所謂石奇是因為園林的主人喜愛收藏奇形怪狀的石頭。

由於梁園地方夠大，經常見到這些大型的擺設。

這是梁園嘅客廳，是大戶人家先有的氣派。

園內的水秀都富有嶺南水鄉的特色架！

此外，園內也珍藏不少書法家的名帖。

參觀完梁園，便到附近的李禧記商店買番 d 手信，當然唔少得出名嘅大良磞砂啦！

這個盲公餅出乎以料地好食，口感似鬆化左的杏仁餅，有機會嚟佛山一定會再買！

石灣玉冰燒都係佛山的特產，但我地無買到，唯有影相留念！

買完手信就搭公車番酒店攞行李，然後再搭車落深圳食埋晚飯先番香港，今次嘅澳門佛山美食之旅經已圓滿結束啦！Bye Bye！