2010 年北海道自駕遊 - Day 4 - Part 1 (小樽 - 手宮線跡地、LeTAO & 三角市場)

日期：2010 年 8 月 4 日 (陰天)

這間酒店可揀選日式早餐，貪生鮮的我當然唔會放過機會啦！

不過日式早餐真的不是太啱食，一次半次都 OK！

食完早餐後，繼續遊覽小樽，首先到手宮線跡地，此鐵路現在已停用，只供遊客拍照留念。

原來手宮線跡地也是雪燈路的場地之一，冬天一定要再來欣賞雪景！

接著再到堺町行街，沿途見到有遊客租人力車遊覽小樽景點，唔知貴唔貴呢?

行到攰就到 LeTAO 試吓出名的 Double Cheese Cake，但我們覺得名大過實，沒有太大的驚喜！

反而這個拿破侖蛋糕仲好食！

食完蛋糕後就夠鐘番酒店攞車再到三角市場食大餐，Yeah！

這個底盤可把私家車轉到馬路方向，不用自己調頭，真的很方便。

由於剛剛食完蛋糕都仲未肚餓，我們就到三角市場豪食刺生同毛蟹喇！

北海道著名的馬糞海膽都好鮮甜！(不過我們覺得東京築地好食D)

一定要食小樽產八角魚，肉質都幾爽，幾好味！

這個北寄貝同螺片係超新鮮，超爽，超好食！

終於到毛蟹出場喇！打開蟹蓋睇，又唔係好多蟹膏啫 .....

但係一將蟹身一分為二，嘩 ...... D 蟹膏就出曬嚟喇！

當你一啖咬落去的時候，真係超幸福，超滿足！

話咁快，成隻毛蟹只淨番 D 殼！

離開三角市場後，就出發去登別喇！Go Go Go .......