2010 年北海道自駕遊 - Day 3 - Part 3 (小樽運河、北一硝子館、小樽音樂堂、政壽司 & 出拔小路)

日期：2010 年 8 月 3 日 (晴天)

中午離開北竜町，大約 3 個鐘車程就到達小樽！嚟到小樽，不得不到的當然是小樽運河啦，所以泊好車後第一時間到運河影日景！

你覺得小樽運河浪漫嗎?

在運河附近隨處可見小樽的人力車車伕！

由於昨天喺富良野已吃了很多雪糕同牛奶 (仲攪到肚呵)，好彩今日好番 D 先喺小樽補食蜜瓜雪糕，成為 1000 Yen，雖然貴左D但係第一次咁食都幾過癮，仲要好好味潻！

話咁快已被我們消滅左喇，仲括到乾乾淨淨 Yeah！

食完雪糕後就到堺町 Shopping 喇，一定要買小樽音樂盒，仲要到六花亭買手信！

北一硝子館的玻璃精品雖然好靚好精緻，但價錢都幾貴唔捨得買！

小樽音樂堂外的古董蒸氣鐘

我都喺到買左個音樂盒留念，音樂盒上還有個迷你小樽蒸氣鐘呢！

在小樽街頭有不少炭燒海鮮的店鋪，為食的我們都唔執輸要了2隻超大扁貝同生蠔，他們用了日本醬汁烹調，別有一番風味！

最埋邊嗰 2 隻扁貝就係我地架，啖啖肉！好好味！

由於小樽的店鋪於下午 6 時就關門，食完炭燒海鮮後就番酒店休息吓。夜晚即到壽司通食小樽出名的握壽司，我們揀了歷史最悠久的老店 - 政壽司！

坐在吧枱欣賞師傳的握壽司技術，話咁快就完成以下 2 個套餐喇！

對我們來說，這些握壽司並沒有太大的驚喜，有D失望！

食完壽司後，就番運河影夜景，我覺得夜晚的運河比較浪漫，你認同嗎?

又到宵夜時間喇，一於喺出拔小路食串燒同啤啤佢，D 串燒好好食，但啤酒就唔夠候，因為店鋪於 10 點半就 last order 喇，唯有喺便利店再買啤酒番酒店慢慢嘆！

貪心的我們揀了 3 款不同的北海道啤酒試吓！