2009 布吉自由行 - Day 5 (Banyan Tree Phuket & Catch Beach Club)

日期：2009 年 4 月 24 日 (陰天)

期待已久的日子終於來臨喇，今天我地會離開 Pantong Mercure 入住 Bang Tao Beach 內       級酒店 - Banyan Tree Phuket。由於前幾日要玩 Tour 而好早起身，今早一於沒有安排任何活動，瞓醒覺先起身執行李，之後就出去搵野食。

酒店出面有泰國人非常尊敬的泰皇相片，而旁邊則有泰國人信奉的四面彿像。

Lunch 就揀左食泰式粉麵同春卷，春卷啱啱炸起，好脆好好食！

我就揀左一碗泰式扎肉河粉，河粉好滑而湯底清甜，都幾好味！

食完 lunch 已差不多 3:00pm，我地就番去 Pantong Mercure 等 Mr. Chai 嚟接我地，由於芭東離 Laguna Phuket 都幾遠，而且入到 Laguna Area 仲有一段路先到 Banyan Tree，所以今次車費為 500 Baths。

Mr. Chai 盡時 3:00pm 嚟接我地，我們便壞著興奮嘅心情出發到期待已久嘅 Banyan Tree。一到步，酒店職員先將我地 d 行李放入 Golf 車內，之後就帶我地去 check-in，在等候 check-in 期間還每人送了一杯 Welcome Drink。原本我們 book 了 Pool Villa，但職員話可以免費 upgrade 入住 Two Bedroom Pool Villa，真係非常 lucky。 辦妥 check-in 手續後，職員便揸番載有我地行李的 Golf 車向我們的 Villa 出發喇。

由於 Banyan Tree 共有 150 間別墅式套房散佈在非常大的翠綠園林中，所以每次出入都要靠 Golf 車，非常有富豪 feel。話咁快就嚟到我地間 Villa 喇，一入到去，我同老公仔不停咁嘩！嘩！嘩！到抵有幾誇張，等我地帶大家參觀吓啦！Let's Go ......

首先出場嘅係超寬闊客廳同飯廳，仲有廚房可以煮飯仔大顯身手！

Villa 內各有兩間睡房同廁所，終於唔駛爭廁所用喇，Yeah！

見到廁所有度門，開嚟睇吓原來係室外沖花灑嘅地方。

這是第一間睡房，不過我地唔係住依間，點解? 睇落去就知喇 ......

登... 登... 登... 登... 我地間睡房出場喇，床褥超軟而床單超滑，如果屋企張床係咁就大鍋喇，肯定每朝唔願起身返工遲大到！

這間睡房最大嘅賣點係一打開房門就可以跳落泳池喇，真係超爽！

除此之外，房內還有電視同 DVD 機，我地已經帶左《Superman Return》慢慢歎！

睡房旁仲有度門可以出室外歎泡泡浴。

係時候要影吓室外喇，首先當然係這個私人泳池啦，終於可以一試裸泳嘅滋味！

而在泳池的未端則有涼亭作乖涼之用

歡迎大家參觀我地間 Villa "Sa Wa Di Ka"！

介紹完畢後，我地就急不及待享受這個私人泳池喇，真係超開心呀！大約個多小時後，我地叫左 reception 幫手 call 的士去左附近 Supermarkt 賣野聽日係 Villa 煮飯仔，之後就到左旅遊書介紹嘅 Catch Beach Club 食自助餐。這間 Catch Beach Club雖然環境優美，氣氛浪漫，但食物質素就超唔掂，食物選擇唔多又唔好食，最離譜係 D BBQ 海鮮係梅嘅，真係非常失望！