2009 布吉自由行 - Day 3 - Part 1 (四驅越野車 ATV)

日期：2009 年 4 月 22 日 (天晴但有幾陣驟雨)

今天一早起身見到藍天白雲真係好開心，因為玩 ATV 全整都喺戶外，如果落雨就無癮啦。一如昨天般食過酒店早餐後就等旅遊車接送，話咁快就到達今次 ATV 的場地。由於我地係第一次玩 ATV，加上絶對不能高估我的駕駛技術，所以沒有挑戰戶外的路線 (一般戶外路線會行出大馬路，仲會上山下海)，只在場內玩沼澤泥路、上落斜及急彎，但都已經考起高 B 的我喇！

簽過生死狀後，戴理頭盔同手套就準備出發喇！

臨出發前同 ATV 影番幅靚仔相先，因為一陣間會搞到成車都係泥！

臨出發前職員會講解 ATV 的簡單操作及注意事項，原本諗住自己可以應付，點知開車無耐要轉彎時就爭 D 撞樹，最後還要職員坐係後面睇住我。當遇到有 D 比較窄的泥漿路或轉急彎時，我架 ATV 成日都卡住左，好彩職員落車幫我推車，仲搞到佢成身都係泥漿好唔好意思，最後我終於熟習左 ATV 嘅操作可以自己控制喇！

我終於可以自己揸 ATV 喇，Yeah！

好彩一早著左對唔要嘅鞋玩 ATV，如果唔係就肉痛喇！

除了沼澤泥路外，還會穿梭樹林！

沿途還經過風景優美嘅石灘，一定要落車影相留念。

話咁快 2 個鐘頭嘅 ATV 已經玩完喇，跟往坐旅遊車番酒店梳洗，然後再到酒店大堂等 Mr. Chai，事關我地今天 book 了 8hrs 嘅 car services (租車費為 1500 Baht)。一到大堂 Mr. Chai 已經等緊我地，上車後第一時間叫佢介紹食 lunch 嘅地方，因為玩完 ATV 後實在太肚餓喇，佢車左我地去一間海邊嘅餐廳，食物水準 OK，環璄仲好靚潻，果然無介紹錯！

我地一次過試了生蠔同炸蠔，炸蠔 OK 而生蠔就唔係好新鮮。

嚟到泰國梗係要飲椰青喇！

餐廳環境真係幾靚，一邊吹住海風一邊食 lunch，真係人生一大樂事！

醫飽肚後，便出發到今天第二個重頭戲 - Phuket Shooting Range，感受下真槍實彈的威力，Let's Go！