四圍食 (長沙灣 ‧ 牛大哥餐廳火鍋)

由於友人食過話牛大哥的手切牛好得，鍾情於食牛的我倆當然唔會錯過，所以今晚選擇這裡慶祝老公仔生日。

我們選擇了 9:30 特價火鍋時段
 

湯底是清湯蘿蔔牛骨鍋 (特價 $48, 正價時段 $68)，內有牛骨、蘿蔔、木耳等等湯料，但湯底上枱就聞到一陣窿味， 問過侍應話係藥材味，都唔知真定假。

跟住到鎮店之寶的手切牛三拼出場 (特價 $168, 正價時段 $229)。所謂三拼即是 (相片由下而上) 牛腩心、頸脊肉及肉眼邊。開頭以為最好食的是頸脊肉，點之原來係牛腩心，既嫩滑又有牛味。雖然其餘的二款都有牛味，但肉質就一般喇，所以下次只要淨叫牛腩心便可。

話明食牛梗係要叫多款啦，一於試吓牛坑腩爪 (特價 $88, 正價時段 $128)，這個一開始要放入湯底內滾到 25 分鐘後便可，如果唔滾耐啲會好 un。至於肉味就一般般啦。


突然送上三文魚刺身 (特價時段 $10)。


其他火鍋配料 - 竹簽蝦 (特價時段 $18)

腐皮魚角 (特價時段 $24) 同唐生菜 (特價時段 $18)。值得一讚的是腐皮魚角，真的很鮮甜美味。

鯇魚片 (特價時段 $18)

總括而言，這次都是失望的一餐，因為手切牛不是想象中好食，如特價時段來幫襯都可以，但正價時段來就有點兒不值。

四圍食指數： 五分 (十分為滿分)