2013 沙巴自由行 - Day 5 (旺旺茶餐室、Jesselton Point、Pulan Manukan、Little Italy、Centre Point & Starbuck Cafe)

日期 : 2013 年 7 月 5 日 (晴天)

今天安排的雙島遊並沒有 join Ronald 的 tour，因為雙島遊的島嶼離 Jesselton Point 只有約十分鐘船程，自己去都好方便。加上自己去的話 (約RM$33) 比報 tour (RM$150) 平好多，當然 tour RM$150 已包了接送同午餐。而且今朝我們打算放棄酒店早餐，打的去旺旺食東星斑麵，所以便叫酒店大堂幫我地 call 一輛七人的士由酒店去旺旺茶餐室，之後等我地食完早餐後 (等半個鐘)，再車我們去 Jesselton Point。

最終 RM$100 成交 (由於沙巴的交通不完善，當地人大都有自己的車出入，所以沙巴搭的士真係好貴)


都坐左好遠先到旺旺茶餐室 (比 Damai Plaza 還要遠) 


今朝要豪 d 食東星斑做早餐 
 

除左東星斑 (沙巴叫七星斑)、石斑外，還有馬友魚 (即是我們用來醃咸魚的馬友)


飲品叫了薏米水，又幾清甜幾好飲。
 

由於我們人多，所以叫了兩大鍋麵，第一鍋是清湯東星斑魚片 + 魚旦 + 魚皮米粉。


魚片啖啖肉，魚皮滑嘟嘟，魚旦爽口彈牙 (不過都係榮華的彈牙 d)，再加上索滿清甜湯底的米粉，一個字「正」。


第二鍋是冬陰公石斑 + 蝦湯麵。
 

這個冬陰公湯底真的好好好味


再來一個爽口彈牙的干撈魚麵為今天的早餐劃上完美的句號

成個早餐大約食左 RM$100，6 個人分即每人約 HK$42 就食到東星斑同石斑魚片麵，真係好抵食。不過埋單時發生了一段小插曲，就係侍應同我地講的士司機食嗰碗麵話要入埋我地數。吓 ...... 咁都得??? 不過見佢只係食左 RM$9 就算數，橫掂頭先已經講左 RM$20 價。

由旺旺去 Jesselton Point 又唔係好遠喎，好快就到。
 

第一時間入去搵間 agent 買飛先 (其實間間的價錢都差唔多)


本來想去 Sapi + Manukan 兩個島，但 agent 話下午天氣會變差所以建議我地去一個，所以最終只去 Manukan (比較多水上活動)，最終每人要俾 (RM$30.1 - 包了來回船飛 + RM$7.2 tax)

買完飛後 agent 就叫我地 run，因為船就快開 ...... 唔係呱，早知買遲一班啦! 

好彩最終都趕到，但以家咁好天，下午真得會落雨??? 

差唔多坐左 10 分鐘船程就到，一落車就見到碼頭有好多魚。

入沙灘前要每人俾 RM$10 入場費 (如果去兩個島都係俾一次就夠，但就記得要 keep 好張 ticket，因為每次出入都要 check)


Welcome to Manukan Sabah


近碼頭邊有好多人浮潛

 




在沙灘上有報名玩水上活動的 counter，這裡有多項水上活動，如香蕉船、水上電單車、海底漫步、海底綿羊仔、降落傘、體驗潛水等等。而 counter 後面就有兩間餐廳 (其中一間是 serve buffet lunch)，此外還有小食亭買杯麵小吃等，當然價錢會比較貴。


一架架綿羊仔已 stand by (我記得好似要 RM$250 玩一次)

沙灘上有救生員 ...... 

有水泡 (FOR EMERGENCY ONLY) ...... 


仲有小心水母的告示 ......


去廁所時發現原來 Manukan 有另一邊沙灘，但就寫明不准進入，所以水質都特別清 d。 

去完廁所就要趕住玩降落傘，因為驚晏 d 天氣變差玩唔到。

多謝同行講價好叻的朋友，最終我們只用了 RM$110 玩二人降落傘 (原先開價 RM$160 for two，足足平左 HK$100) 

第一 pair 係我地玩先，職員幫我地綁好繩結後就準備出發，好緊張呀。

嘩! 出發喇! 最刺激係開頭飛出去嗰下，好好玩。

跟住上到最高就可以欣賞優美的風景

偶然會落水濕濕身，好好玩!

玩完降落傘就攞麵包去餵魚
 

麵包的吸引力真係好勁

果然下午 3 點鐘開始天色昏暗


好彩我們都差不多離開了

回到 Jesselton Point 便到附近的 Little Italy 食個 early dinner，因為今早食完旺旺東星斑麵後到下午都未肚餓，所以我們索性唔食 lunch 等回到市中心時先吃個 early dinner，到了夜晚再到麗都街市食宵夜。
 

Little Italy 就在碼頭附近




叫了兩杯梳打汽水
 

Risotto ai Frutti de Mare - 茄汁味的海鮮意大利飯，味道 OK，但如果係白汁的話會好味 d。
 

Prosuitto E Funghi Pizza - 配料只有蘑菇同土耳其火腿，沒有驚喜的 pizza。

 
Crespelle al Forno - 其實係一個卷物，內有波菜、蘑菇、火腿同芝士
 

Canelloni Spinacci - 波菜卷，這個芝士味濃，好味!


這個也是 pizza，但唔記得叫咩名，見外形獨特所以叫來試吓。
 
  
內裡是火腿、蕃加同洋蔥等配料，味道都係一般。總括而言，我覺得 Little Italy 真係一般般啫。
 
 
食完 Little Italy 便行去搭 Shuttle Bus 回酒店，途經橋底榴槤，但啱啱食飽所以同佢無緣 lu。


攞完搭 Shuttle Bus 的 ticket 後見仲有時間就行吓 Centre Point

 
Centre Point 感覺係好 localized 的商場，沒有什麼大品牌。原來呢度都有 DIGI

行左一陣就去巴士站等 Shuttle Bus，點之撞著放工時間所以好塞車，最終等左一個鐘先有巴士 。上番回酒店後便梳洗休息吓，大約 10 點鐘先去麗都街市食宵夜。見仲有時間就再行吓 1 Borneo Hypermall 的 Giant Supermarket。


真係好喇，見到我的至愛 - BBQ 味美味米  

行完 Giant Supermarket 便回酒回大堂 call 7 座位的士到麗都街市，點之酒店職員話呢個時間 call 唔到的士，而且酒店出面等候的的士都沒有 7 座位的，所以便試吓幫我們 call Van 仔。點之個 Van 仔司機開天殺價，竟然要收我地 RM$250 (即 HK$625)，佢都傻傻地，開到咁貴咪即係趕客，所以我們最終放棄去麗都街市。但而家有少少肚餓，咁點算好呢?


因為當時 10 點幾酒店附近的食店已關門，所以我地就揀左 Starbuck 歎咖啡。


悉奉 Starbuck 有新飲品推出，我地每款叫了一杯 (Dark Mocha / Green Tea white chocolate pudding)，但估唔到又幾好飲，白朱古加布甸滑嘟嘟之餘又唔係好甜，好特別。