四圍走的足跡: 2013 沙巴自由行 - Day 1 (1 Borneo Hypermall & 家香生肉麵)

日期：2013 年 7 月 1 日 (晴天)

今次的沙巴之旅全賴於老公仔的朋友發現 Air Asia 有超平機票以造就今次的旅行，我們二人共用了 $2900 訂購了 2 張來回機票 + 來回 20kg 的行李寄倉費用，比起一般 2 張 CX 來回機票足足平左 $5000 有多。雖然坐廉航係唔包飛機餐同飲品 (因要續樣計錢)，而且行李又要限住用 (我地去程已經用左 17kg 行李)，但係平咁多而且只係三個鐘頭機程實在難而抗拒。

在等候上機時發現 Air Asia 的飛機會印上國旗，我們坐的那架當然係馬來西亞國旗啦 (我還見到有菲律賓國旗)。

成日聽人講廉航經常 delay，好彩今次我地都算準時起飛 (雖然遲左少少)。

出發前另一樣擔心的便是颱風襲港，好彩最終颱風不是吹正香港可以預期出發。

大約三個鐘頭機程就到沙巴，差唔多到沙巴時突然在空中見到有個山頭，唔知係唔係神山呢?

沙巴機場好細，感覺有點似馬爾代夫的機場，落機後要自己行去入境大樓。

嚟到沙巴，第一樣要適應的是沙巴人的辦事效率。剛巧遇著另一班機差唔多時間降落，最終要排成一個鐘頭先可以辦理入境手續。

辦理完入境手續出閘後，好快便見到 Ronald 等緊我地 (足足遲左 1 個鐘, Sorry)。Ronald 是我們在沙巴的導遊，我是在 blog 友的網誌內得到他的電郵 (rken0527@yahoo.com)。比較過其他 local tour 的行程同價錢後 (其實每一間的 offer 都差唔多)，我地最終揀選了 Ronald 是因為下三個原因，但後來越來越覺得自己無選擇錯誤，如果 100 分是滿分的話，我會俾夠佢 200 分! 點解? 大家睇落去便知道了。(賣緊關子潻)

1. 只要參加三個 tour 或以上就有免費機場接送，可能你會話好多 local tour 都會包啦! 但因為我們回香港的是零晨機，問過好多間 local tour 都話唔包零晨機接送。但如果自己搭的士的話，一來零晨的士費要多收 50%，二來我們一共 6 人要找兩架的士唔化算 (雖然沙巴有 6-7 坐位的士，但比較難找，就算搵酒店 call 都未必找到)。好彩，最終問 Ronald 時佢一口答應免費安排旅遊 van 接送，咁又可以慳番啲洗費之餘，又唔駛驚到時 call 唔到的士或被人抬高的士費 (因為沙巴的士要講價，不起錶的)，真係非常的感恩!

2. 今次沙巴之旅有一大挑戰，就係會玩體驗潛水 (即唔駛考牌都玩得嗰種)。由於我們 6 人都係初哥 (只有 4 個人曾經玩過一次體驗潛水)，而且我們當中有 2 個是不懂游泳 (其中一個當然係我啦)，所以為了安全至上，我們想找一個 tour 可以 1 個潛水教練對 2 個學員，點之問過好多 local tour 都話每個教練會對 2-5 個學員，只有 Ronald guarantee 可作 1 對 2 的安排。

3. Ronald 是識講廣東話的，咁到時溝通一定無難度啦! 開頭都唔覺特別重要，因為我地都可以用英文同普通話溝通。但後來發覺玩激流同潛水時，Ronald 會用廣東話再加埋爛 gag 向我們講解安全守則，使我們聽得更投入更有親切感。(除了廣東話外，他更精通英語及普通話! 死喇，好似 hard-sell 咁，但我真係覺得 Ronald 好好，無理由唔介紹俾大家嘛!)

好! 講番個行程先。我們見到 Ronald 後就 say sorry 遲左一個鐘，但佢話都預左沙巴人的辦事效率，同埋叫我地喺沙巴依幾日都要習慣吓。上車後，Ronald 續一講解沙巴的氣候、旅遊景點、區內美食及我們 join 了 3 個 tour 的集合時間同注意事項等等。由於我們今天晚上會攞車準備明天去食榮華魚麵同上神山，所以便問問他去榮華的路如何走 (因為網上的資料不多)。點之，Ronald 主動話借他的 GPS 給我們，因為他的 GPS 已入了沙巴的美食 (當中包括榮華) 同其他旅遊景點的導航，實在太好了 (又要加分喇)。雖然我們的租車已包了 GPS，但好彩 Ronald 借了他的 GPS 給我們，因為我們後來發覺租車公司的 GPS 好難 search 到要去的地方。

大約半個鐘頭車程就來到我們的酒店 Novotel，Novotel 不在市中心 (距離市中心 15 分鐘車程)，它位於亞庇最大的 1Borneo Hypermall 隔離。選擇 Novotel 的原因是它的房租 (HK$529 連早餐) 比市中心的 4 星酒店平，而且又鄰近大型商場方便 Shopping。

與 Ronald 約好今晚 GPS 交收的時間同地點後，我們便到 Novotel check-in。

放低行李後第一時間要做的便是唱錢，因為好多網友話到了沙巴先唱錢嗰 rate 會好 d，所以我們只帶了上次去馬爾代夫在吉隆坡機場用剩的 RM$10 馬幣。

首先到了酒店附近的銀行問吓，但只有這間 RHB Bank 有外幣對換，但個 rate 高到嚇死人 (HK$100 : RM$37.74)，再搵吓第二間先。

跟住到了1Boreno Hypermall 內的唯一找換店 Sunria check 吓個對換率

好彩它的對換率 HK$100 : RM$39 正常啲，但因商場內只得一間找換店，所以在沒有選擇的情況下唱了這幾天的洗費。(後來過左幾日經過市中心的找換店嗰 rate 係 HK$100 : RM$39.6 都唔係爭好遠)

唱完錢第一時間當然要醫肚先，因為由今朝早餐到而家三點幾都仲未食 lunch。在商場內隨意揀了這間餐廳。

坐低睇完餐牌後都唔知叫咩好 (完全唔識睇)，問左侍應推介後，老公仔點了 Nasi Biriyani Ayam (Chicken Briyani) (RM$11) ......

而我想食麵就叫了 Mee Goreng (Ayam / Daging) (RM$6.5) ......

開估喇，老公仔叫的其實係咖哩雞脾飯 + 薄餅，餐內有兩款咖哩汁，我地兩個都覺得紅咖哩的比較好味。而薄餅好脆，點埋咖哩汁簡直係一流，反而雞髀就麻麻地。

而我的是雞肉炒麵 + 拉茶，炒麵又夠鑊氣又惹味，而拉茶好香好滑。

食飽飽後，就到商場內的 Digi 出了張電話卡方便同 Ronald 聯絡。

最後揀了 RM10.8 的 Pre-paid plan，這張卡已有 RM$6 credit 同首兩天免費享用共 150MB 上網。由於我們已租了 GPS (再加埋 Ronald 的已有兩個 GPS)，所以電話卡主要是用來通電話的。

買了電話卡便到商場內最大的 Giant Supermarket 買啤酒、汽水、薯片同杯麵招待明晚到沙巴的另外 4 位朋友。之後我們便到酒店門口等 Jeffrey 的太太辦理租車手續。在租車方面，我是在背包客棧的留言區內找到 Jeffrey 的 contact，好多網友都推介他的車夠新而且價錢合理。此外，Jeffrey 除 offer 了全保的車險外，還可在酒店取車市區還車，所以我們最終以 RM$170 租了一日 5 人車 (由今晚 6 點租到明晚的 6 點)，費用已包了車險及 GPS。

取車後，我們按 GPS 的指示去 Damai Plaza，因為我們約了 Ronald 在那裡取 GPS ，然後再到附近的和生園吃金鷹蝦面作晚餐。Damai Plaza 其實唔係一個商場 (開頭俾佢個名呃左)，而是一個地區名，也是華人的集中地，所以這裡有好多美食，如富源總店 (可惜當日休息)、榮華茶餐室或澔運茶餐室等等。