2006 馬來西亞 & 新加坡之旅 - Day 4 (新山、新加坡 - 聖淘沙、財富之泉、魚尾獅公園 & 克拉碼頭)

日期：2006 年 7 月 1 日 (晴天)

今早又要坐好耐車程由馬六甲去新山喇，到達新山時已經中午，我們在新山食完午飯就經新柔長堤去新加坡，Bye Bye 馬來西亞！ 

終於見到椰樹喇，一於影相留念！

在我身後的就是連接馬來西亞及新加坡的新柔長堤，交通非常繁忙。

一到新加坡，第一時間就參觀當地的名勝 - 聖淘沙，內裏的環竟優美，還可見到最大的魚尾獅像潻！

歡迎來到聖淘沙，等我地一齊入去參觀吓啦！Let's Go！

離開聖淘沙，就到新達城內的財富之泉吸吓財運。導遊說這新達城是根據中國的風水學而建造的，整個區域有五棟不同高度的商業大廈象徵五隻手指，而中間 (手掌心) 則有一個內噴式噴泉，意味著財富(泉水)源源不絕地往內流，據說一邊掂住泉水圍住噴泉行三個圈，之後仲要濕下褲袋同銀包就會有好意頭。

我地當然唔執輸要行番三個圈吸吓財氣啦！

接著再到位於新加坡河口的魚尾獅公園探吓新加坡的地標 - 會噴水的魚尾獅像！可惜我們去度時它正在洗澡，唯有同小型的魚尾獅像影住相先啦！

在魚尾獅公園還可眺望國家音樂劇院，你話它的外型似唔似榴蓮呢? 

跟住再去牛車水買手信，這裏是新加坡的唐人街，街上有很多商店，當然唔少得出名的胡振隆肉乾啦！

我地就買左 D 牛肉乾同龍蝦肉乾番香港做手信！

晚上就到克拉碼頭坐船夜遊新加坡河，欣賞新加坡的夜景 (不過都係香港靚 D)。其實克拉碼頭有很多酒吧同食肆，晚上非常熱鬧。

我地就係依度上船喇！

之後到大牌檔食當地魚旦粉同肉骨茶，魚旦都幾彈，但肉骨茶就麻麻地！

食完晚餐再行入 D 先發現仲有好多街邊檔，D 串燒燒得好香，但我地已經好飽喇，所以最後只影相留念，可惜 ...... 可惜 ...... 

食飽後先番酒店休息吓，跟住再搭的士到克拉碼頭睇波，因為當晚直播英格蘭對葡萄牙世界盃賽事，好多英格蘭球迷已經好早到酒吧歎住啤酒等開波。我們好不容易才搵到一間酒吧有位 (不過都係企位)，D 啤酒仲好貴潻 (大概為港幣七十元多一枝)。但可惜最後英格蘭慘敗，不然當晚氣氛一定照正 (因為著左九成係英格蘭球迷，當然唔少得我男朋友啦，佢今日已經著住 7 號仔英格蘭波衫打氣喇)！