2006 馬來西亞 & 新加坡之旅 - Day 1 (吉隆坡雙子塔購物城、KLCC 吉隆坡水族館、千禧星光大道 & 阿羅美食街)

日期：2006 年 6 月 28 日 (晴天)

經過上次的北京之旅，發覺越來越鐘意去旅行。話咁快又身痕喇，今次一於玩盡馬來西亞及新加坡兩個國家，出發喇 ...... 

話咁快就到吉隆坡國際機場！

第一站梗係去馬來西亞的地標 - 雙子塔留番 D 腳毛啦！其實雙子塔同一般香港大型 Shopping Mall 差不多，鍾意 Shopping 的遊客一定大出血喇！

今日先到雙子塔正門影相留念，明天再影為人熟識的外觀！

第一時間到 Food Court 醫肚，試吓當地的粉麵同糕點，不過味道一般。

醫飽肚後再逛吓雙子塔的商店，不過最終都無收獲，只係試左當地的雪糕。接著再到於 2005 年才開幕的 KLCC 吉隆坡水族館，在這裏可欣賞多種海底生物如熱帶魚群、海龜及鯊魚等等。

這兩隻海龜似唔似在海底比翼雙飛呢！

水族館內設有一條海底隧道，站在輸送帶上可仰望頂上的海洋生物，有如置身於水底世界。這裏還可目睹南非虎頭鯊，全東南亞只有這裡才看得到！

參觀完水族館，係時候到室外吸吓新鮮空氣，一於到千禧星光大道睇吓同香港星光大道有咩分別。原來吉隆坡的千禧星光大道內沒有明星掌印，但有多個充滿歐陸情懷的茶座供遊客品茗及聊天。

行完千禧星光大道還未入夜，決定先番酒店休息，晚上再搭吉隆坡的單軌電車到阿羅美食街搵嘢食。

阿羅美食街真係有好多嘢食，我地去左“黃亞華小食店”食餐勁嘅，兩個人叫左D串燒、燒魔鬼魚 (真係好好好食)、燒大蝦、馬拉盞炒通菜同胡椒炒辣蟹 (都炒得好野味)。不得不提係馬來西亞飲啤酒係唔平架，聽 D 侍應話因為當地的酒稅好重，但係食 D 咁野味嘅食物無左啤酒真係爭咁 D，所以一於少理照飲 (去旅行梗係要享受吓啦) 

隻蟹鉗真係好大大大隻呀!!!! 

認住依個招牌，下次再嚟幫襯！

連椰青都大個人架!!! (整條阿羅美食街真係超旺)

食飽就番酒店喇，今晚住的酒店可望到雙子塔，雙子塔的夜景好靚架，可惜我地部傻瓜機影得唔清楚，希望大家唔好介意啦！

下次一定要帶腳架先得！