自家製 - 陳玉華一隻雞

自從由韓國回來後，一直都想試吓自家製『陳玉華一隻雞』，一來可以吃到嫩滑雞肉，二來可以做湯底打邊爐真係一舉兩得。

最近終於下定決心買了韓式豆板醬試吓。其實煮法好簡單，只需在街市買一隻冰鮮雞、一棵葱、一顆蒜頭同一盒雞湯便可。首先將雞洗淨及把整顆蒜頭切粒同把葱切段後待用，之後放雞湯及冰鮮雞在鍋內煮滾後再落蒜頭同葱段便可。

話咁快就完成


再加埋年糕更有韓式風味

最後放少許韓式豆板醬在碗內便可以開餐 

再加埋港式火鍋配料，今晚一於來個港韓 cross-over! Yeah!

相比『陳玉華一隻雞』，味道都有八成相似。大家有興趣就試吓啦，因為真的好易煮!