參觀完南怡島後，便搭 ITX 回龍山站再去景福宮觀看換班儀式。
火車準時 1:00 到達，所以要預早時間在月台等候以免趕不上火車。
火車開出後沿途到處都見到楓葉樹同銀杏樹，首爾街頭各處都被楓葉染上五顏六色，一幅幅美麗的圖畫映入眼簾。
大約 1 個鐘車程便返回龍山站，之後便搭 1 號線到鐘路 3 街站再轉乘 3 號線去景福宮站 5 號出口步行往景福宮。
景福宮站是一個古色古香的地鐵站，往 5 號出口方向行仲會見到 "不老門"。
去到景福宮見仲有 3 個字先到光化門的交班儀式，於是我地跑去對面的光化門廣場影吓韓國尊崇的世宗大王銅像。當日光化門廣場正集合跑馬拉松的健兒，所以廣場非常多人。
在世宗大王的銅像前還有李舜成將軍銅像，相信他也是一名受韓國人民愛戴的將軍。
由光化門廣場直行便到景福宮的光化門。我地在光化門等到 3:15 都無換班儀式，而且在場亦聽不到任何廣播，於是便非常失望地買票入內參觀景福宮及韓服體驗，點之 ......
在等待買入場票時 (W$3000)，老公仔出左去影吓景福宮的外圍。老實說，景福宮雖貴為韓國最著名的古宮，但個人認為與北京紫禁城的規模及雄偉相比下，真的是爭太遠了。不過一場嚟到，梗係要入內參觀啦。
排了約 15 分鐘隊買票後，終於可以進入景福宮的第二城門 "興禮門" 入內參觀。(第一城門是光化門)
走入興禮門後，需再進入勤政門才見到景福宮的正殿 - 勤政殿
勤政殿取其 "勤奮治理朝政" 之意，是景福宮內最莊嚴的宮殿。
勤政殿是舉行國家大典的地方，如國王登基、朝見文武百官或接見外國使節等等。
參觀完 "勤政殿" ，便到國王同王后日常起居生活的寢殿 - "康寧殿" & "交泰殿"，這兩個宮殿更可除鞋入內參觀。
這兒是國王王后用膳的地方，一幕幕 "大長今" 的劇情即浮現在腦海裡。
之後就行去慶會樓，它是國王與大臣們舉行盛大宴會或接待外國使節的地方。(但慶會樓因有蓮池相隔只能遠觀而已)
參觀完慶會樓，便到附近售賣紀念品的商店旁登記免費韓服體驗，點之去到已經 close 左，但明明營業時間至 16:00，當時都只係 15:40 左右，點解會 close 嘅? 開頭諗住職員可能行開去廁所，但等左 10 分鐘都無動靜，只好繼續向前走。又無換班儀式睇，又無韓服體驗，唔通景福宮唔鍾意我!
好彩景福宮都有靚景來彌補我失落的心情
我覺得景福宮內最美的是香遠池內的香遠亭
香遠池旁的紅葉
原來景福宮內都有乾清宮
離開景福宮前發現有一棵好多 "吉" 的吉樹，真係好多好多 "吉"
離開景福宮都差不多 5 點，喺時候食今天的午餐 - 人蔘鷄湯 (已經餓到打鼓)，由景福宮行去土俗村蔘鷄湯只需 8 分鐘右左，都好易搵好方便。
可能現在已過了食飯時間，所以不用排隊便可直入店內。
先來的是泡菜同酸蘿蔔，一定要試這裡的酸蘿蔔，不是太酸，好好食，我地 encore 了兩次。
終於開餐喇，人蔘鷄內釀有糯米，但我個人覺得鷄湯的人蔘味不是太濃，有點兒失望。
好彩早入去，出到嚟已經開始排隊了。
食完人蔘鷄湯便回酒店休息吓，之後再出去明洞血拼同食韓牛。我們由東大門歷史文化公園站搭 4 號線到明洞站，再步行往景福宮。吓，又係景福宮? 係呀，不過今次係去景福宮食韓
燒。
今天因為晏了食人蔘鷄湯，所以今晚最適合食又貴又唔飽肚的韓燒(韓牛)。
韓國的韓燒是用炭爐燒的
本來我們想 order 三種燒肉，但侍應話三種太多了，叫我們只 order 兩種，我地開頭覺得好奇怪 (喺香港淨係食兩種燒肉一定唔夠食)，後來當侍應陸陸續續上配菜時，我們便明白箇中因尤了。
在各式各樣的配菜中，最難食的便是相中右上角的蒸蛋，又老又唔好食!
最終我們 order 了一客最高魥的韓牛 (W$48,000 兩大塊鮮紅色的) 同一客牛肋骨 (W$28,000 兩大塊)。
整個燒烤過程有專人服侍，侍應會把牛肉剪城一小塊，方便食客用菜包住食
(就像昨天食鐵板炒大腸的食法一樣)。但我認為如果食靚牛肉無須用菜包住食，反而點少少鹽或醬汁更能帶出牛味，所以那個最高級韓牛只點了少少鹽就好好食!
除了韓牛，今晚仲要啤啤佢 (W$11,000)。
食飽飽後就行去明洞血拼喇，途經見到好 sharp 的首爾塔，希望下次旅程可以前往參觀啦!
明洞就像香港的銅鑼灣一樣，各大商店品牌林立。
今晚主要是買化妝品，行了 Etude House、Innisfree 同 Nature Republic，每一間都有收獲，不過最滿載而歸的還是 Etude House (後來回港後冇耐旺角就開左間分店，真係吹脹!!!!)
血拼完後便回酒店繼續啤啤佢，每次去旅行都好喜歡試吓當地不同牌子的啤酒!
沒有留言:
張貼留言