四圍食 (元朗 ● 大榮華酒樓)

上個星期日同老公仔去左元朗的大榮華酒樓飲下午茶，諗住試吓懷舊點心，點之我地去到時最想食的雞球大包已售馨，唯有留待下次早茶再試過。


奶皇馬拉糕 - 這是酒樓的招牌點心，可是往往希望越大失望越大。雖然咬落去都算叫做鬆化，但完全 feel 唔到有奶皇香味。


候柱牛根肚 - 雖然牛根牛肚蚊得夠淋，但可惜味道略為淡口。

冬筍鮮蝦餃王 - 大大粒，蝦肉爽，好好味!

豬潤燒賣 - 最好喜愛的懷舊點心，豬潤唔乾唔 un，好好味。

水餃手打麵 -  水餃都幾大隻，但 d 麵嚟到時已淋曬，不過不失啦。(最開心有菜食)

 

榮華臘腸卷 - 啱啱蒸起，臘腸好香，夾住麵包食簡直一流，超級好食!

總括而言，今次都食得好滿足，下次要再來試吓晚飯小菜之得!

四圍食指數：七分 (十分為滿分)