2010 年北海道自駕遊 - Day 2 - Part 2 (富田農場、芝士工房 & 葡萄酒工房)

日期： 2010 年 8 月 2 日 (晴天)

去富田農場前一定要到隔離的蜜瓜專門店食蜜瓜，北海道蜜瓜出名超甜超多汁，所以一定要試 (其實今個旅程都食左好多) 

店鋪旁邊有一個好大的蜜瓜模型供遊客拍照

橙肉蜜瓜係超甜，而綠色肉蜜瓜甜中帶點清香 (兩者都不可不試！)

食完蜜瓜後就出發去期待已久的富田農場。當初因為看到旅遊書中富田農場的彩虹花田相片先決定去北海道賞花，但往往就希望越大失望越大。個人認為富田農場比較商業化，而彩虹花田就 .......... 

彩虹花田只剩下這些紫色花  (可以有藉口再去多次喇)

農場內有商店售買薰衣草的產品，仲可以食到薰衣草味、牛奶味同蜜瓜味雪糕 & 薰衣草味波子汽水！

我覺得最好食係蜜瓜味雪糕，但薰衣草味雪糕同波子汽水唔覺有薰衣草味! 

由於北海道牛奶超好飲，我們對當地的芝士也抱極大的期望，所以下一站就去芝士工房任食芝士! 

除了任食芝士外，我們都有幫襯工房出名的牛乳同芝士蛋糕，都幾好味!

接著再到葡萄酒工房試飲紅酒同白酒，不過味道就一般，反而薰衣草味白酒喜出望外，所以買左一枝番香港。

由於老公仔鍾意食芝士，午餐決定於葡萄酒工房附近食出名的芝士火煱，因為今早已不停地食食食，到依個時候都未肚餓，所以只叫了一客芝士火煱同試下日本的道產牛。

對芝士火煱有點失望，雖然芝士味重但不是太好味!

雖然這個道產牛肉質好淋，但味道就 ......