2012 韓國自由行 - Day 3 (Part 2 - 內藏山、內藏寺、廣藏市場、Good Morning City & Two Two 炸雞)

日期：2012 年 10 月 29 日 (晴天)

由內藏山入口行到去湖畔大約用左個半小時，其實整條路不是很長，而且是一條大直路好好行，只係我地停吓又影吓就用左好多時間。過了湖畔後便到了覽車站，當時已有好多人打蛇餅排隊搭覽車上山頂，我地當然唔執輸快啲排隊啦!

好誇張的人龍

來回覽車票要 W$7000 一張

當搭回程覽車時會收走票尾的，所以只可影相留念。
 

我地排到上一樓望番落去時發現條人龍一直都無短過

由高空觀賞紅葉又是另一種感覺

終於可以上覽車了

幸好在覽車上企了一個靠窗的位置，所以眼前的美景一覽無遺

 

上到山頂的覽車站後，要再往上走約十分鐘才到瞭望台，但上瞭望台的山路都好崎嶇。

上到瞭望台後便可俯瞰山下的紅楓隧道

這前段便是剛在走過的紅楓隧道

一陣間搭覽車落山後，便繼續走後半段去內藏寺。


在瞭望台除可俯瞰山下的紅楓隧道外，還可欣賞附近山頭的景色。


走到累了，可在山頂上的小食檔休息吓。

落山後繼續向內藏寺進發
 

沿途的紅葉在爭奇鬥艷

終於到達內藏寺

在寺內有一排排顏色奪目的彩燈

紅葉 + 古廟場景真是一絶，美輪美奐!

內藏寺外有唱歌搞笑表演，逗得現場的韓國公公婆婆好開心。

在內藏山逗留到下午 2 時多便開始等 shuttle bus 回去，再搭 171 公車返回井邑火車站食 lunch，但整個回程足足用左個半鐘時間才到井邑火車站!!! 

在火車站對面揀了另一間餐館食 lunch，但今次就跟着櫥窗的相片點菜。

老公仔 order 了一客韓式炒冬粉，不過炒粉+白飯，真係奇怪! 而味道就不過不失!

而我的炮菜炒飯就幾惹味，不過都幾多油。(今天午餐共用了 W$10,500)。

今天的回程火車是 17:06，仲有時間就出去影吓相先。

原來市內都有楓葉的裝飾，可想言知內藏山在井邑驛的重要性。 

今次的內藏山楓葉之旅又完滿結束，喺時候搭火車回首爾喇，好開心今次睇到色彩繽紛的紅葉，簡直不枉此行。

在火車瞓左兩個半鐘左右就回到龍山火車站，之後搭番 1 號線去鐘路 5 街站附近的廣藏市場試吓韓式小吃。
 

廣藏市場是韓國的地道食市，很受當地市民歡迎。

晚飯時候的廣藏市場簡直是座無虛席


廣藏市場售賣多款韓式小吃如米腸、辣炒年糕、紫菜飯卷等等 ......

仲有出名的綠豆煎餅，不過見到咁多油炸，所以無興趣試。

還有多款醃製食品，當然唔少得韓國最出名的泡菜啦! (但我不懂欣賞)

好味的紫菜飯卷，本想再 encore，但又想留肚試吓其他小食，所以最終無 order 到。

睇旅遊書話米腸是把粉絲、糯米、蔬菜、豬紅等灌入豬腸內，再與豬肝等豬內臟蒸製而成，是韓國傳統小食之一。

既然米腸咁特別，一於 order 一碟米腸 + 豬耳 + 豬雜試吓。米腸味道怪怪的 (不懂欣賞)、豬耳同豬雜都係香港的卤水好味 d。

之後再叫了一碟辣炒年糕，年糕夠煙 un 好味，只可惜辣汁太杰，失色不少。
最終今晚在廣藏市場食左 W$16,000。

離開廣藏市場後，我們去 Good Morning City 血拼一番，沿途在便利店買了一枝菠蘿汁 (W$1300)，都好好飲。

睇過網友介紹話東大門的 Two Two 炸雞幾好食，所以回酒店前買了一個餐試吓 (W$19,000)。

好 cute 的外賣盒

這個餐可以一次過試兩款炸雞。原味炸雞味道一般，而糖醋炸雞酸酸地都幾開胃，幾特別。

最好味反而是這些酸蘿蔔，真係吹脹!!! 

今晚再試另一款有氣的車厘子汁 (W$1500)，我覺得韓國的果汁唔會太甜，好好飲。而老公仔繼續不醉無歸。