日期：2010 年 8 月 1 日 (雨天)
其實我們已於 4 月底 book 機票酒店，但由於 8 月是北海道的旅遊旺季，直航機早已爆滿，唯有選搭 JAL 零晨機由香港飛東京羽田再轉飛北海道。
大約日本時間早上 9 時多到達北海道新千歲機場。攞完行李後，我們便到日產 counter 辦理租車手續。
完成登記手續後，就有免費接駁巴士送我們到日產的租車場取車。取車後就由 GPS 教我們去第一站 - 富良野!
可惜第一日就落雨了!!!!!!!
由於第一次到日本揸車，所以在安全的車速下大約用了 3 小時就到富良野喇。到達富良野第一時間就去醫肚，食著名的生牛肉飯、芝士豆腐 & 牛油焗男爵薯仔!
生牛肉飯都好好食，但如果再多D生牛肉就更好喇!
芝士豆腐真係好芝士架!
牛油焗男爵薯仔就麻麻地，無咩特別!
飯後天氣並沒有好轉，我們便決定先到麓鄉的麵包超人店。麵包超人店外有很多得意的卡通公仔石像，而店內更設有畫廊展出麵包超人油畫，地下的商店有成千上萬的麵包超人商品，好彩我不是麵包超人迷，否則一定大出血喇!
發現畫廊內有麵包超人和細菌小子呀!
店外有個小型水池放置很多麵包超人玩具任玩，我都唔執輸囉!
逛完麵包超人店，就到隔離的富良野 Jam 園試食果醬，總共有35種味道任君選擇，有原味果醬、混合果醬還有特別口味如紅酒果醬等，不可不試!
園內還提供麵包試食果醬 (D 麵包仲好軟熟架)！
試食完後還不夠喉，再來果醬雪糕，紫色的是雜莓味，而橙色的是白葡萄味，個人認為雜莓果醬好食D!
滿足了我們的味覺後，便揸車到民宿附近的 Bestom 大型超級市場買啤酒、薯片、十勝牛奶仲有巨峰提子番民宿慢慢歎! 其實 Bestom 只距離民宿幾分鐘的車程，話咁快就到達 Cottage Himawari。
這間就是今晚住的屋仔喇，隔離就係我地依個旅程的戰友 Tida!
是日民宿提供的西式晚餐，都幾好食!
飯後就回到我們的屋仔內繼續歎啤酒及巨峰提子。每次旅行都係咁食食食，想唔肥都難囉！
係時候要訓覺準備闖入明日的花花世界，希望明天陽光普照啦，早抖！
沒有留言:
張貼留言