2009 布吉自由行 - Day 1 (布吉 Jungceylon 商場 & Thaweewong Road (Patong Beach Road))

日期：2009 年 4 月 20 日 (晴天)

今次布吉之旅真係一波三折，我們早於 3 月頭已訂好機票同酒店去 5 日布吉 + 2 日曼谷，原本諗住開開心心可以一次過玩盡兩個地方，可惜泰國紅衫軍 (他信支持者) 於 3 月中開始在曼谷集會示威。初頭仲諗住示威好快會結束，但後來到 4 月 10 日紅衫軍與軍警在曼谷市內發生流血衝突，在非常憂慮的情況下致電旅行社 check 吓可否取消曼谷酒店而轉住布吉，好彩曼谷酒店就今次事件可取消 booking 也沒有收任何罰款，在有驚無險的情況下 7 日布吉之旅終於出發喇！

我們首先搭泰航到曼谷機場，然後等約個半鐘再轉飛布吉，好彩曼谷機場夠大，shopping 之餘仲可以食埋 lunch 消磨時間。

到泰國一於試吓當地的菠蘿炒飯，但味道麻麻，有 D 失望！

大約下午 1 點 45 分就到達布吉機場，由於 plan 行程時已 search 過泰國自遊易 d comment 話 Mr. Chai 的 car services 好，所以出發前已同 Mr. Chai e-mail confirm booking，一出閘已經見到 Mr. Chai 攞住我的 name card 等我喇，果然好準時，值得一讚！離開機場就直去酒店 - Patong Mercure (今次車費為 500 Bahts)。

這是酒店的泳池，泳池旁有間 Sun Bar，如果游到攰可以叫番杯野飲歎吓！

Patong Mercure 離芭東海灘只需數分鐘的路程，非常方便。放好行李後，第一時間搵間 rate 比較好 D 嘅找換店唱錢，然後到普吉偉林報名玩 Day Tour 同 ATV 喇！報完名後就去布吉最大型的商場 Jungceylon 逛吓同格吓價，喺泰國買 Levis 牛仔褲同 Converse 真的比香港平得多！

行到攰就到商場的 Swensens 食九球雪糕及朱古力火煱，係唔係好吸引呢? 

其實喺 Patong Beach Road 上有好多食海鮮的店舖，我們今晚無跟旅遊書的介紹隨意揀左一間富有歐陸 feel 的食店擦餐勁嘅，到抵有幾勁，睇吓相就知喇！

首先，第一道菜是 BBQ 燒豬肉 & 雞肉，再嚟印度薄餅 (主要是用來點咖哩蟹的咖哩汁)。

接著，梗係要試吓當地嘅冬陰公啦，D 蝦好新鮮，而味道仲好好飲潻！

一於唔好停，再嚟炸蝦同炸魷魚圈！(記住我地只得兩個人)

主角咖哩蟹終於嚟喇，好可惜我叫錯左，原來泰國的咖哩蟹有多種食法，我們叫的是用咖哩粉整的 (Curry Powder Crab)，味道當然無正宗嘅咖哩咁好味啦，好彩今天只係第一餐仲有機會試泰國咖哩蟹，大家睇 Menu 時真的要小心 d 呀，唔好似我咁大頭蝦呀！